Dawa ka NESO wa toh u pynkrehkaam noh ya ka NRC ha waroh ki jylla ka thaaiñ mihsngi ka ri

Shillong: Ka North East Students’ Organisation (NESO) da dawa ko wow pynkrehkaam ya ka National Register of Citizens hapoh waroh kawi ka thaiñ mihsngi (North East) yow pynbood yeiwa da leh ha Assam.

Yeini da ong hadien wa da dep pynman ya ka yalang ka NESO, All Assam Students’ Union (AASU) wa ka KSU ynnin ka sngi ha Shillong.

U Chairman ka NESO u Samuel Jyrwa da ong u wa da toh wow pynthymme ya ki pyrtuid wa em ha ka NRC ha waroh ki jylla hapoh ka thaiñ mihsngi yow sniawthooh yei ma wa yang ya ka jylla wei ym toh kawa eh wow leh neibhah ha jar jiar ka jylla ye u leh katkam wa sñiaw biang ki rukom wow pynkhreh ya ka NRC.

U GS ka KSU u Donald Thabah da ong u wa ka seiñ ym yohsa de ko khlem booh ya ki Infiltration Gate neibhah na ki 40 lak kiwa ye u chah kyntait ha Assam ye ki u psiah ki cha Megahalya wei da ong u yeni hawa kylli yei ood ki paidbah wa psiah cha Meghalaya napoh Assam.

Related posts

Pyndem u Teibor hei mon ki paidbah, pynbna u wow yakhun MDC kam u kyrtong samen

January 4, 2025

Pynbna u MP wa chah kset hapoh patok wow sdang u da ka Political Party

January 2, 2025

Hei yatoh won i chah pynwit kiwa na Silchar wow psiah chapoh Meghalaya u AASU adviser u Samujjal Bhattacharya da ong u wa ym toh u khuslai neibhah kiwa man hi ki tre ri wa paka ym toh u tieñ ki u psiah chapoh ka Meghalaya wei lada man ki ki tæ ki tre ri wa paka toh u yaklam ki wa ka KSU, NESO namo wa ka AASU deiwa rah lang wa ki kot ki sla wa biang lada sniaw ki wa chah pynwit i lai i wan ki.

U Bhattacharya da ong u wa ka NRC daw man ko ka kot wow yada yei mantre ki khian paaid ka thaaiñ mihsngi wei ka India waka Bangladesh toh u wan yaklam ki wow phah liwan biang ya kiwa sah pyrchah aiñ hapoh India.

Ka NESO wa ka AASU leh da tyrwa ki wow yarap ya ki tre chnong kiwa ym em mih pyrtuid hapoh ka NRC kam ki Khasi wa sah ha Barak Valley kiwa ym pu em mih pyrtuid ha ka NRC Draft.

Chooh chooh u Bhattacharya da ong u wa ka NRC toh neibynta ki paidbah ka thaaiñ mihsngi ym toh neibynta ki nong Bangladesh tangwa heijooh i por da ong u wa da em ki DC kiwa da chem wa mih ki pyrtuid ki nong Bangla wei katni i bynta ka NRC da em ko heiwa kiwa ym em mih pyrtuid ye ki u wan yaleh biang deilang wa ki kot ki sla yong ki wei ya kiwa da mih pyrtuid dei bakla daw pyndooh wei yeini waroh da leh hei pait ka Supreme Court wei ki chaniah ki ya ka.