15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Kyntu kiwa dai dakha naka sorkar wow pynkhlan ya ka Aquaculture Mission

0 Comments
Advertisement ad1
Advertisement ad1

Shillong: Hadien wa khang ka sorkar jylla wow pynpoi ya ki dakha wa wan na baar jylla neidaw wa chem wa inject da ka dawai formalin, ka thaw dai dahkha ha Ïewduh da langam ko slam slam, tangwa kiwa dai dakha da pynchongshit ki ya ka deiwa e rong, u pynkhooid wei wow chna pynbha ya ki dukan dukdoh yong ki.

Hawa yanujor wa kiwi won ki thaw dai kiwa em ha Ïewduh, ka thaw dai dakha da langam bha ko wei hawa yoh u yaklam wa ki kattu katni ngut kiwa dai dakha da pynsñiaw ki wa i chah khang wow dai dakha da ktah bha ko yei yoh i kot neibhah ym tip de ki u kreh da iwi.

“Waroh chi kattu i im ja na ka kaam dai dakha wei katni ym tip de i wow kreh da kiwi ki kaam,” da ong kiwa dai dakha.

Hawa uwa thoh khubor da lai sylli u ya ka thaw dai dakha da chem wa em ki kattu katni ngut kiwa dai dakha wa da tong na ki nan kiwa em ha Ri-Bhoi District tangwa i dor yong ki man ki kiwa syad.

“I ym yohsa i wow dai ya kini ki dakha ha i dor wa syad neibhah da thied syad chwa,” da ong wa i dor yong ki dakha poi ko hadooh T. 350 hadooh T. 400 chi kilo.

Kini kiwa dai dakha da kyrpaad ki ya ka sorkar wow pynkhlan ya ka Aquaculture Mission ha ka jylla khnang wow ye u pynmih hi na ka jylla ya ki dakha katkam i emkaam yow lait na i wanrah na kiwi ki jylla.

Rap nachwa hawa yoh wow yaklam wa u Montri ka tnat dakha, u Comingone Ymbon da pyntip u wa  ka jylla ye ki u pynmih 12 hajar metric tonne katwa i emkaam dakha da poi ko cha ka 21 hajar metric tonne haka shi snem, ki dakha hapoh ka jylla da pynmih na ki 17,000 tylli ki nan psan dakha wa da chna ha ki 5 snem wa da dep lyngba ka Aquaculture Mission.

Share this:
Previous

Pynkut ka Wahlakhiat Bulls yei wym rem de ka Langsning Greenenergy Lions ha ka MBL

Next

Dawa ka NESO wa toh u pynkrehkaam noh ya ka NRC ha waroh ki jylla ka thaaiñ mihsngi ka ri