Ka NPYF kawa man ka chnat khynroo ka NPP da pyntip ko wa ha ka yalang wa da pynman da u Montri Rangbah, u Conrad K. Sangma wa ki NGO, ki seiñ chnong kamjooh kiwa da heh rta ha Tura Circuit House yow yaklam yeiwa emkaam heiyatoh wa ki kaam poisa poilaiñ ha GHADC kamjooh ki kaam wa yatoh wow chna ya ka Tura Medical College wei lada man iwa miat wa bha wow pynkrehkaam ka da ka Public-Private Partnership (PPP) Mode.
Wei ka yalang da man ko deiwa yoh u yaklam u ya pynsñiaw deiwa em akor em burom kiwa da pynsñiaw ya jar jiar iwa sñiaw ki neibynta i bha i miat yong waroh wei ha ini por uwi uwa puræ puræ Medical da klam u deiwa khlem akor i wym yahaap kam uwa lai puræ khamtam uwa lai puræ Medical.
Da suba leh wa ya uni da em kiwa pynchongchit da ki bru wa em i thong yong ki samen du wow pynthut yei yaklam deiwa tip bru.
Kamtæ neiliang ka NPYF da beiñ ko yeini rukom leh uni u khynroo iwa da yoobeiñ leh ya ka yung krehkaam u Montri Rangbah kamjooh ya kiwa da heh da sian wei man ko leh i wym ye u pdiang.
Heiyatoh wa ini da dawa wow paan maap u na u Montri Rangbah kamjooh ya waroh kiwa da emlang ha kani ka yalang.
Discussion about this post