Ka Pnar Student Movement (PSM) ha ka 4 tarik uni u bnai hei yahkhmat u Vice President da lai yachem ki wa ka Licensing Officer ka JHADC yow booh yei dawa wow pynbait smat ya ki kaam ki jaam wa da ktah ya ka imlang sahlang.
Kawi na kini toh yei em kiwa na baar jylla ha ki dukan Hardware ki wym biang ki kot ki sla kamjooh ha kiwi ki dukan wa sariem kam kini wei hajrong ini da kyntu ya ka JHADC wow khut yalang ya waroh ki tre dukan yow pyntikna wa kiwa na baar jylla u em ki ya ki kot ki sla wa biang.
Da dawa leh wa ya kini kiwa wan kreh hap wow pynsakhiat neiwon wan ki da ka Council næ da ka dorbar chnong.
Da dawa leh wow e bor ya ki waheh chnong wow takit bniah ki ya ki jait khih chwa wow e ya ka NOC cha ki baar jylla kiwa kwah wow wai dukan næ wow sdang iwon iwon i khih.
Ya ka NOC toh u e du hadien wa pynman ya ka General Meeting ka chnong diewa yoh palat 90% i mynjur kiwa chong chnong wa da em hok u thap Vote.
Ka seiñ da ngait ko wa deiwa leh kamni daw ye u yada yei hok ki tre chnong.
Discussion about this post