Ki kaam khayi wei pynemkaam drugs wa i tyngkheiñ aiñ yah kari dang joor i kat dang mih ki sngi iwa da ktah ym du ya ki manyung tangwa wot ya ka imlang sahlang leh kamjooh.
Hajrong kini kiyi kiyi ki pulit ka Phramer Traffic Cell hapoh i yahkhmat u In-charge ka yong ka, u Arkiwis Iawphniaw dei sñiawkhia da pynman ko yei pynsñiawthooh hajrong kini ya ki khynnah ka Nongbah Govt. U.P. School, Nangbah kamjooh kiwa sikai wa ki manbei manpa.
Ha ka 30 ka 31 tarik u Niaynñiaw da pynman ya i pynsñiawthooh namo ka Awareness Programme hajrong i yarap ki pulit wow pynlai kari heiwa u H/C Kyndait da man u kam u bru chemphang.
Ha ka 31 tarik da pynman yei pynsñiawthooh hajrong i pynemkaam bakla ya i drugs namo ka Drug Abuse da u SI CRW Nongbri wa man kam u bru chemphang, katwa heiyatoh wa ki aiñ tyrrah kari namo ka Road Traffic Accident, u bru chemphang toh u UBC R.P. Dkhar uwa da batai hajrong ki Basic Law (BNS, BNSS, BSA).
Hajrong ka aiñ kyllum namo ka Basic Law u bru chemphang toh u SI Arkiwis Iawphniaw.
Ha ini i pynsñiawthooh da yoh myntoi bha ki khynnah kamjooh kiwa sikai wa kiwa kitkaam chnong khamtam wow em i bahkhlieh hawa em i jia wa emkaam yarap ki bru samen næ paidbah.
Ha ka 1 tarik uni u bnai won da pynman leh ya ka yakob dro namo ka Drawing Competition wa i thoh Essay heiwa u Dolloi ka Elaka Nangbah wa u MDC da emlang ki.
Discussion about this post