Ka seiñ Pnar Student Movement (PSM) Central Body hei yahkhmat u President, u E. Passah da lai yachem ki wa u Manager In-charge yong ka Jio wa Airtel deiwa e leh dei thoh heiyatoh wa i tih ki ya u sarok yow siang ya ki Wire ki Cable ha u sarok Pasyih-Garampani Road.
Ini toh iwa da sdang tih nadooh ka chnong Khonchnong hadooh chnong Saphai, West Jaiñtia Hills District wei da tih thlu ki leh ha ki bynta wa dang dep dung Cement wa hapyrdi ki sarok chnong, kamtæ ka seiñ da sñiawkhia ko yei ood yei naam ki paidbah neidaw wa kini kiwa tih da ieh ki khlem da siang psiang biang wei khlem da pyndap khyndaw-bilat yeiwa dadep tih dep khloh ki.
Ka seiñ da ong ko wa ini wa ieh khlem da pynchna de neh kamwa ar bnai tam kattu iwa da pynchitom bha ya ki paidbah kiwa lai wa wan neidaw wym em de pynchna ya kini ki sarok.
Kamtæ hei yachem ka seiñ wa kini ki heh kini ki Company da kular ki wow booddien wow pyndep noh yei kaam khnang yow suk i lai i wan na uni u sarok.
Discussion about this post