Ka MeECL Progressive Workers Union (MePWU) kawa man ka seiñ ki wakreh Casual hapoh ka chnat Bordiñ ka jylla ynnin ka sngi da e dorkhat ko ha u Montri ka chnat Bordiñ ka jylla, u Prestone Tynsong wow pynkynmoo ya oo heiyatoh wa ki mat dawa ka seiñ kiwa sahteiñ da boon snem kattu.
Neiliang ka seiñ da booh ko haphrang ya ki kattu katni ki dawa wa kynthup wow tipmit wow pynskem noh ya ki kam ki wakreh wa pura namo Regularization kamwa da yaklam ha ki yalang wa boon ha ki por wa dadep.
Ka seiñ da ong ko wa boon ki wakreh Casual wa Contractual kiwa da kreh da ki phaw snem wei emkaam wow tipmit pura noh ya ki katkam ka Section 26(2) ka MeSEB Service Regulations 1996.
Da tyrwa ko leh wow thung da ka Special Committee wow sylli wei wow booh ya ki tyrwa haphrang ka sorkar khnang wow leh yeiwa emkaam.
