Ka Seiñ Kur Bareh ynne da thoh ko cha ka Montri ka chnat i chait i khiah heiyatoh wa i yap ka Pynchei Bareh ha MCH Hospital, Jowai yow dawa takit yeini wa jia ya kani ka manbei wa punkhon kawa na chnong Jalaphet Bri Sutnga, East Jaiñtia Hills iwa da jia ha ka 4 tarik uni u bnai.
Neiliang ka seiñ kur da ong ko wa katkam wa pyntip kiwa ha-yung ha-sem kiwa emlang wa ka Pynchei, da wanrah ya ki ka cha kani ka thaw sumaar ha katai ka jooh ka sngi heipor kamwa 9:00 waje i step tangwa katwa kyrpaad wow yarap ki ya ka nadooh ki Doctor deilang kiwa kreh ym bien ki wei da chah mai pathan ki.
Tangwa du hadien wa sdang ko u joor u chitom da bien u Doctor wow wan pait heiwa da phah wow kit ka cha kawi won ka Hospital tangwa ini toh hadien wa dær i por wei da khlaad noh ko heipor kamwa 9:00 waje haroh i miet.
Kamtæ da ong wa ini i leh stiñ kiwa kreh toh iwa maa bha wei da emkaam wow pynman ya ka takit kawa khlem leh chiliang wei lada chem wa em iwa leh bakla wow pynchitom ya kitu kiwa emkti katkam ka aiñ neibhah lym leh kamni daw dooh i chaniah ki paidbah.
Neiliang ka seiñ kur ynne da lai yachem ko leh wa u DC ka West Jaiñtia Hills wei da lai ko leh cha kani ka Hospital yow yachem wa ki Doctor tangwa ym em hun yei pynche kamtæ da ong wa toh u pynman bait da ka takit.
Da emlang ha kani ka sngi nadooh u Finelyness Bareh uwa man kam u President ka seiñ kur, u General Secretary, u Jesper Bareh deilang ki dkhot ka EC ka kur.
Discussion about this post