Dawa ka Synjuk Waheh Chnong Ri Jaiñtia wow pynjanai ya ka khayi pateiñ wa ka Bangladesh deilang kiwi ki mat

Ka Synjuk ki Waheh Chnong Ri Jaiñtia ynne ka sngi da lai yachem ki ya u Montri Rangbah ka jylla, u Conrad K. Sangma ha CTC Orchid Inn, Thadlaskeiñ wow yaklam hajrong ki mat dawa wa emkaam.

Ha kani ka sngi ki heh ka synjuk da pynsñiaw ki yei rukom pynkrehkaam ya ka MGNREGA nadooh ka rukom chna ya ki kynroh kamjooh ya ka PMAY (G), yeiwa u Conrad da kular u wow chimkhia wow booddien.

Ka synjuk da dawa ko leh na ka sorkar wow pynjanai ya i khayi pateiñ wa ka Bangladesh khamtam ha khappood yeiwa u Conrad da ong u wa katkam wa man katni ymye ware u klam hajrong ini neidaw i man i long hapyrdi ka India wa katai ka ri man iwa synjor tangwa manda lai bait i kaam heitæ u sdang wow leh yeiwa emkaam.

U Conrad da ong u wa ka synjuk da kyrpaad ko leh wow pyndep noh ya ka Census neibhah wa kawa khaddooh wa da leh toh ha u 2011 yeiwa daw sdang noh.

Related posts

Boon rtap yang ki pulit wow khang ya ki khon ka Hima Langrin wow psiah cha KHADC | Thut ka lai ka wan

August 19, 2026

U ah 10-15% na ka tulop lada ym sumaar ya ka bei wa u pa: Himanta

August 19, 2026

Da kyrpaad leh wow pynku ya ka poisa hapoh ka PMAY kawa man ka Scheme ka sorkar pyrdi yeiwa daw bichaar ka sorkar jylla. 

Heijooh i por u Conrad da pyntip u wa ka synjuk da dawa ko wow pynboon ya ki bru wa chemphang wow yada ya ki mynsien bru khamtam heipor wa ktah ka rymaw yeiwa u Conrad da ong u wa daw bichaar ya kini waroh.