theme-sticky-logo-alt
theme-logo-alt
Advertisement ad1

Dawa ka Synjuk Waheh Shnong wow pynchna ya u sarok wa lai na Sumer cha Saipung

Ynne ka 10 tarik, ka Synjuk Waheh Shnong Ri Jaiñtia da lai hiar sylli ko ya u sarok wa lai cha ka thaaiñ Sumer nadooh Pala, Kseh, Khahnar chadooh Saipung Block wei ya ini ka Synjuk ym yohsa de ko wow leh hadien wa da ood da naam ki paidbah chong chnong kiwa da maad yei eh waroh chi kattu la kamwa 50 snem heiwa uni u sarok man u uwa sih bha wei ym em pynchna wei da ieh sah bait kamwa man nadooh nachwa.

Ka synjuk hapoh i yahkhmat u President yong ka u A. Lipon da ong ko wa ini i ieh khonswet ka sorkar ya kani ka thaaiñ ha kiwa boon ki liang da man ko kawa sñiawsih wei piah nood wow pait yei long i man uni u sarok wa ha kam kani ka juk thymme.

Da ong leh wa uni u sarok man u u budloom wa pynyabi ya ka thaaiñ Sumer East Jaiñtia Hills wa ki chnong wa marjan, ki yung krehkaam sorkar, ki Hospital, ki yaw ki haat wa kiwi wei na kini ki daw uni u sarok da ktah bha u yei lut i sep wa i por hadooh wa poi cha i jia wa sñiawsih leh.

Kamtæ ka synjuk da booh ko yei kyrpaad ya ka sorkar Meghalaya waka chnat PWD wow pynchna noh smat ya uni u sarok chwa wow wiar u.

Ka Synjuk da khut da wer lang ko ya waroh ki seiñbhalang, ki bru samen, kiwa mihkhmat paidbah wow pynsñiaw cha ki chkoor yong ka sorkar, pynkut ka kyrwoh na u Publicity Secretary ka Synjuk u Bormi Lyngdoh.

Advertisement ad1
Share this:
Previous

Hajrong i jia ha Syntung, daw kset ya kiwa suba emkti 3 sngi

Next

Da lehkmen yaka sngi kyrpang ki kynthai ha Ladrymbai, Datsimpein