Hajrong i chah siat beiñ ki bru ha kawi ka chnong ha Mon District ka Nagaland da ki chipai ka sorkar India, ka TUR da beiñ joor ko ya ini i yasiat wei tynyap beiñ ya ki bru wa lui lui da ki chipai ka ri India.
Ka seiñ da ong ko wa ini ymtoh i sien wa nyngkong wa ki jaitbru ri-loom ka thaaiñ mihsngi da maad ki nadooh i chah slaitbor, chah siat yap ha ki chipai ka India wa ki chipai kiwa emkti ha kam kini ki kaam pyntieñ pynsmiej wa lait ki nei chah pynchitom neibhah wa yada ka aiñ AFSPA.
Kamtæ ka TUR sa chisien ka dawa ko wa toh u pyndam noh ya ka aiñ Armed Forces Special Powers Act (AFSPA) wa kiwi de ki aiñ kam ka Unlawful Activity Prevention Act (UAPA) waka Meghalaya Prevention Detention Act (MPDA).
“Ka sorkar India toh u su ko yei bai lutsan cha kiwa ha yung yong kiwa chah siat yap wei wow pynchitom syndon ya ki chipai damok kiwa emkti ha ini i kaam,” pynkut ka kyrwoh na ka TUR.
