Ka Synjuk ki Waheh Chnong War Jaiñtia da dawa ko na u SDO Civil Sub-Division, Amlarem u Abhilash Baranwal wow pynsangeh noh ya ki Truck wow sahmiet ki ha sarokbah nadooh Amlarem hadooh Tamabil Bakur wei nadooh Dawki hadooh Tamabil Bakur neidaw wa joor ware i sahkut ki kari ha u sarokbah nei sahmiet ki Truck.
Ka Synjuk da ong ko wa i sahmiet ki Truck da wanrah i yei sahkut ki kari iwa da pynthut bha yei lai i wan ki paidbah ka thaaiñ khamtam ki khynnah skur wa kiwa lai thooh dawai, ki kynthai wa pun-khon kamjooh ki warep kam ha ini i por wa lai dai ki ya u kwai.
Chooh chooh da ong ko wa i sahmiet ki Truck da ktah i yei khooid i jngiar wei kiwa yang Truck da lai paikhana ki kat chawa yoh.
Hajrong ini ka Synjuk da e dorkhat ko ha ka 29 tarik ha u SDO wei neiliang yong oo da kular u wow chimkhia ya ini.
