Dawa khang lut ka AJCCTA ya ki Weighbridge lait na kiwa em ha i thaw psiah wa i thaw mih ka jylla

Jowai: Ka All Jaiñita Cement and Clinker Transport Association (AJCCTA) da dawa ko na ka sorkar wa toh u khang lut ya waroh ki Weighbridge kiwa em tymbud sarok bah kiwa em hapyrdi Malidor wa Byrnihat.

“I dawa i wa ka sorkar toh u khang noh ko ya waroh kini ki Weighbridge, lait noh kitu wa em ha ki thaw psiah thaw mih (Exit & Entry Point) kiwa em ha Byrnihat, Malidor wa kiwi kiwi, wei kawa em ha Um-tyr-a wa kawa em ha Ynñiawmer, ka sorkar toh u pyndam noh ko ki chisyndon”, da ong u Secretary ka AJCCTA, u Kyrshan Dkhar.

Da pyntip leh wa ya kani ka rai, da chim ha ka yalang kawa man ha ka 16 tarik uni u bnai heiwa da ki spah ngut ki tre truck da wan poi ki cha ka yalang kawa pynman ha Ynñiawmer.

“I em kini ki Weighbridge nalor kitu kiwa toh u em ha ki Entry wa Exit Point da man ki i pyndooh nong kawa khroo ya ki tre truck nalor wa ki hap ki wow su ya ki dan waphær waphær”, da ong u Dkhar deiwa pynrap leh wa ka seiñ ka dawa ko leh wa ka sorkar toh u pynche ko cha ki paidbah heiwon wa ki truk toh u thaw ya iwa kit wa bah ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka seiñ ka da dawa ko leh wa ha kawi ka District toh u em du kawi ka Check Point yong ki pulit.

Ha East Jaiñtia Hills da em ha Shohshrieh, ha West Jaiñtia Hills won da em ha Phramer wa Ummulong wei teiñ teiñ ha Jowai Bypass, ha East Khasi Hill da em ha Mawryngkneng wa Diengpasoh katwa ha Ri-Bhoi won da em nadooh Diengngan, Lad-Umsaw, Umling, Byrnihat wei teiñ teiñ ha Nongpoh.

Kiwa yahkhmat ka AJCCTA da pynsñiaw ki wa ini i em boon tylli ki Check Point ym em yumut ko iyi iyi leh wei man ko du ka buit wow khrong poisa ki pulit neibhah wa ha kawi kawi ka Check Point kiwa yah truck hap su ki da ki spah tyngka.

Ha i jooh i por ka AJCCTA da pynrem joor ko ya i chim kabu yong ki wakreh ka Amsarin Weighbridge heiwa da chim ki hadooh T. 1200 kam ka bai thaw hawa da booh T. 200 da ka sorkar.

Heiyatoh wa ini, ka seiñ da ong ko wa ka Transport Department toh u pait ko ya i leh yong kitai ki wakreh ka Amsarin Weighbridge wei lym kamtæ ka seiñ daw hap ko wow leh iyi iyi kawa pyrchah hajrong ini i chim kabu katai ka Amsarin Weighbridge.