15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1
Advertisement ad1

Chem u montri wa joor chong ktieh ka MP Stadium ha Tura, wei suki i siang Artificial Turf ha Ampati

0 Comments

Shillong: U montri ka sorkar jylla uwa pait yaka chnat Sports, u Banteidor Lyngdoh, da pynsñiaw u ya i sñiawkhia wa ka MP Stadium ha Tura, da man ko kawa chong ktieh kawa yoo chyrkhei bha wei kamwa ong u ym yoo hoi de wow pynman yalehke Football leh.

Hawa psiah wow lai sylli ya kani ka Stadium, u montri da pynsñiaw yei sñiaw diaw wa ym em wa pait bha ya kani ka madan yalehke wei i kreh wow chna yaka thaw chongke ki paidbah namo ka Sitting Gallery leh man ko kawa suki palat.

“Hei yong sakhiat ym toh u chah wow psiah kari hapoh ka madan khamtam ha ki bynta ka madan wa pynman ya ki yalehke wei ya ini da yoh u leh wa ym em biang kiwa pait”, da ong u.

Da chem leh yei em ki thlu ha pyrdi madan yalehke wa i lang um wei ki bor wa pynlai da pyntip ki wa chimpor da ki tayaw wow rkhiang.

U montri da pyntip u leh wa daw khut u ya u Contractor wa pynkreh ya ka Sitting Gallery ha kani ka Stadium wei kamjooh ya ki sahep wow thooh ya ki daw wa slem wow chna pyndep.

Da ong u leh wa ka jylla daw pdiang ko ya ka National Games 2022 wei lada kamni man kani ka Stadium ym man ko kawa yoosuk wa kawa emburom.

Ini i lai sylli u montri ya kani ka MP Stadium toh hadien wa wan pait u yaka madan yalehke ha Ampati, South West Garo Hills kawa dang lai chakhmat wow siang ya u Artificial Turf. 

“Ka madan ha Ampati da mang 4 klur 50 lak tyngka wow siang phlang plastic tangwa ka kaam da sahkut ko neidaw wa joor u slap wei ka um da wan kit ko yaka khyndaw chyiap ha ka madan wei nga da phah O ya ki sahep wow chim khia wow thooh ya ki laad wow pynsmat ya ka kaam”, da ong u Banteidor.

Ini i lai sylli u montri toh hadien wa da wan u wow chimbynta wow chim yaka Rashtriya Salute ha ka sngi laitlooid ka ri India ha Ampati, South West Garo Hills ha ka 15 tarik uni u bnai.

Previous
Next

0 Comments

Leave a Reply