15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Dawa ki 4 seiñ yow kem wei wow pyndooh kaam ya u pulit wa leh khlem akor ya kawi ka kynthai

0 Comments

Jowai: ki 4 tylli ki seiñbhalang kiwa em ha ri-loom Jaiñtia, ka KSU-JHDU, JSM-CB, FKJGP-JH waka STIEH da pynrem joor ki yei leh khlem akor yong uwi na ki pulit u In-charge ka Ladrymbai Police Outpost ya kawi ka kynthai kawa man leh ka muktiar. Kini ki soo seiñ da pynsñiaw ki yei kthang wa i chrai wa kammon u bru uwa em haka aiñ u leh u ya kam kitai ki kaam pohjait khamtam ya i burom yong ka kynthai.

Ki soo seiñ da chim ki yaka rai wow dawa na ka sorkar wa toh u kem noh chi syndon wei wow pynchitom katkam ki kyndon yong ka aiñ wei wow pyndooh kaam ya kam uni u bru pohjait u wym tip yaka akor ka burom.

Da pynsñiaw leh yei sñiawkhia kawa joor neibhah na i por cha i por sñiawchngaaiñ hawa em wa ki bor pulit kiwa pait yaka aiñ wei man ki leh kam kiwa yada, kiwa yarap ha kiwon kiwon ki bynta, tangwa kamwa mih katni pynyoo wa cheiwon ka mynried ki khynthai, ki khynnah hawa wot ki bor ka aiñ pynembakla ki yaka aiñ wa pait ki. Kamtæ ki soo seiñbhalang da dawa ki wa lada ki bor wa toh u pait ya ka aiñ ym chimkhia ki ya kani ka kaam ym yohsa ki wow chong pyrkhat wow chim da kiwi won ki luti.

Share this:
Previous

Kular u DC yaka MPUF wow pynmih noh yaka Result DSC

Next

Daw pynman daka Joint Inspection yaka wah Lukha da u DC, ki sahep sorkar waka 6 Shnong Wah Lukha Association