Dawa ki MDC ka Congress wow pynku ya ka bhah ki MDC naka T. 50 Lak chaka T. 1.5 Klur ha KHADC

Shillong: Ki kaam poisa hapoh Khasi Hills Autonomous District Council (KHADC) da mih khlieh biang ko hadien wa ki MDC ka Congress da dawa ki na u Chief Executive Member (CEM) u Teiñwell Dkhar wow pynku ya ka Grant cha ka T. 1.5 Klur naka T. 50 Lak.

Ki MDC ka Congress da e chithi ki cha u CEM heiyatoh wa ki Grant wa yoh naka sorkar pyrdi hapoh ka Special Assistance Scheme kawa de Grant T. 52 Klur cha ka District Council tangwa da yabhah mar T. 50 Lak cha ki MDC yow wanrah ya ki kaam pynroi.

Uwa yahkhmat ka liang pyrchah ka KHADC uwa man leh u MDC ka Congress u Lamphrang Blah da pyntip u cha kiwa thoh khubor ynne ka sngi wa ym sñiaw yahap wow e du T. 50 lakh da ka Executive Committee (EC) ka KHADC ya uwi u MDC.

Ka mang poisa ka sorkar pyrdi man ko T. 52 Klur kawa da pynlait T. 34 Klur kawa da yoh ka District Council. Katkam wa ong ki MDC ka Congress, naka T. 52 Klur wa da mang, ki MDC toh u yoh ki T. 1.5 Klur samen.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ki MDC ka Congress da ong ki wa kam ki MDC em ki ka kitkhlieh wow wanrah ya ki kaam pynroi neidaw wa ki Constituency wa mihkhmat ki man ki kiwa cha nongkyndong wei na ini i daw da dawa wow pynku ya i bhah wa da yoh naka Grant naka sorkar pyrdi.

Deiwa pynsñiaw yei pyrchah yeiwa e ka EC T. 50 Lak uwi u MDC, u Blah da ong u wa da dawa yaka EC yow pyrkhat biang ya kani ka kaam.

Heijooh i por uwa e ktien ka Parliamentary Party, u Ronnie Lyngdoh da ong u, “Hanlada u CEM ong u wa ya kani ka rai da chim deiwa mynjur lang, tangwa em ki MDC wa em hapoh ka UDA (United Democratic Alliance) ym tip ki ya ini. Iwa mut pyn daka liang synchaar leh ym tip ki ya kani ka rai ka EC.”

“Du ki kattu katni donhi wa emkti wow chim ya kani ka rai,” da ong chooh chooh u.