Dawa ki Muster Roll wow pynku ya ka nong sngi katkam ka aiñ

Ka All Jaiñtia Muster Roll Workers & Labour Union (CEC), hei yahkhmat ka M. Shangpung kam ka Vice President, u Khroo L Pariat kam uwa e buit ka seiñ wa kiwi ki dkhot ka seiñbei, da lai yachem ki ynnin ka 19 tarik ya u Conrad K Sangma, Montri Rangbah ka jylla, hei emlang u Shakliar Warjri, Montri wa pait ya ka chnat Labour, Employment & Skills Development wa kiwi kiwi.

Ka mat wa yaklam toh hajrong i bynta wow pynku ya ka bai mylla sngi (Minimum Wage) ya kiwa kreh mylla ha ki chnat waphær waphær ka sorkar jylla, katkam ka aiñ ki kyndon ka Minimum Wage Act 1948, kawa toh u pynku ya ka bai mylla man ka san snem katkam i ku ki dor marbaam ha ki yaaw ki haat.

Da kyrpaad leh ka seiñ wow pynku ya i snem chong-ngiah kiwa kreh mylla sngi na 58 cha ka 62 snem, neibhah wa ka sorkar jylla ym su poisa bai baam tymmen næ wa u e burom ko ya i kreh chitom kiwa kreh mylla sngi ha ka sorkar ha ki phaw snem hadien wa da chah pynchong-ngiah ki na i kreh.

Kawi ka mat wa da yaklam toh hajrong i chah ah nong sngi kiwa kreh mylla sngi ha ka chnat puræ puthi (Education Department) ka sorkar jylla. Da kyrpaad leh ya u Montri Rangbah wow yaklam u waka sorkar India wow pynku leh yei su sñiawbha (Honorarium) na ka bhah ka sorkar pdeiñ wa na ka sorkar jylla cha kiwa chet ja-sngi ya ki khynnah ha ki skur (PM POSHAN) hapoh ka jylla.

Related posts

Lehkmen ka chnong Sonapyrdi yei dap 50 snem deiwa yoh ki kular wow pyndep noh u chna ya ka Multipurpose Community Hall

December 27, 2024

Khut sñiawbha ka KNIKMS cha ka sngi pynemwarom ya ka lyngkhooh sngi yap u Kiang Nangbah

December 27, 2024

Kamtæ hajrong ini i kyrpaad wow pynku ya ka bai mylla sngi, neiliang u Conrad Sangma pdiang u yeini wei da phah u ya Shakliar wow pynkhreh u yei tyrwa heiwa u Montri da khana u wa ka chnat lyngba ka Sub-Committee hapoh i yahkhmat u Labour Commissioner da pynkhreh ko chakhmat yei paitbniah wei wow e kti smat noh ko cha ka sorkar jylla wei u leh ko ya ini i kyrpaad na ka seiñ. Kamjooh leh ka chnat Labour u nang bichaar bniah bha ko heiyatoh wow pynku ya i rta chong-ngiah kiwa kreh mylla sngi.

Heiyatoh won wa i chah ah bai mylla sngi kiwa kreh ha ka chnat Education, neiliang ka sorkar daw chimkhia bha ko yeini wei ka seiñ da e por ko leh chi bnai ya u Ambrose Ch Marak, Secretary Education ka sorkar jylla wow pynbait smat smat hajrong kani ka mat kawa ktah joor bha ya kiwa kreh mylla.

Ka seiñ da dawa ko leh na u Shakliar Warjri wow pynkrehkaam ya ka aiñ Maternity Benefits Act 1961 næ ka chuti yoh khon ya ki manbei wa kreh mylla sngi waka chuti ya ki manpa hawa yoh khon ka kurim u.