U Chief Minister ka jylla, u Conrad K Sangma hawa wai ya ka Shillong Tech Park-II kawa em ha New Shillong Township, Umsawli da khana u wa kani ka Phase-II da pyndap ko sa 1.8 lak sqft ka thaw kreh (Office Space) kawa da biang lut nadong chadong kawa da chna hei lut wa Rs. 121 klur kawa man leh kawa heh dooh ka thaw kreh neibynta ki kaam IT hapoh ka jylla hadooh kattæ.
Da khana u leh wa kani ka Phase-II da jan dap lut waroh ki thaw kreh iwa da chim ki bru chwa wow wai ka kiwa emkaam ya ki thaw kreh kam ka Grade-A Technology Space ha Shillong heiwa da chim yei thaw kreh da ki Company napoh ka jylla hi kam ka StaffFlex wa Shamrock AI iwa pynyoo leh kani ka IT Park yarap ko pyn ya kiwa chong chnong ka jylla kiwa ya kreh wa ki Company na baar ri.
U Conrad da ong u wa kani ka Tech Park samen ym ye ko wow kreh khlem da em kiwi de chajan heiwa da chna leh ya ka Football Stadium wa heh dooh hapoh ka ri hei dor wa Rs. 700 klur, ka Secretariat wa thymme ha New Shillong kawa daw ye noh u sdang pynemkaam ha u August 2027.
Da ong u leh wa chwa u 2018 ym em kawi leh ka 5-Star Hotel tangwa kattæ 10 tylli dang chna wei kawi toh hajan ka IT Park.
Da pynheh leh ya ka Shillong Airport wei daw chimpor du 20 minit yow poi cha kani ka IT Park.
Da em leh palat Rs. 24,000 klur wa ka Rs. 10,000 klur yow chna sarok Guwahati Express Highway yow pynjan ya ka Guwahati deiwa chimpor hapoh 90 minit donhi.
Discussion about this post