Ynnin ka sngi ka KSU Mynksan Unit hapoh i yahkhmat u President yong ka u Thrang Law wa u Secretary, u Eimidahun Shadap Manner deilang wa ki san chnong kitæ ka Kyrwen, Madan Rwan, Mynksan, Ionglang, Niawkmai da yoh ki wow yachem wa u DMHO ka West Jaiñtia Hills ha Jowai.
Ha ini i yachem da yaklam neibynta wow booh Sub-Center ha Mynksan neibhah kani ka thaaiñ ym pu em Sub-Centre ko tang kawi leh.
Kamtæ neiliang u sahep da kular u wow chimkhia ya ini i kaam.
Neiliang ka seiñ da ngait skem ko wa ini i kaam daw mankaam i katkam i dawa yong kini ki chnong deilang wa ka seiñ.
