Dawa kiwa chong dai madan wow pynkrehkaam yaka aiñ sorkar yow yada yei khih i khan yong ki

Shillong: Kiwa chong dai madan hapoh i yahkhmat yong ka Meghalaya and Greater Shillong Progressive Hawkers and Street Vendors Association (MGSPHSVA), ynne ka sngi da lai toor ki cha ka yung krehkaam yong ka KHADC neibynta wow ujor wei wow pynsñiaw yei pyrchah kawa joor hajrong i leh wa pyrchah yaka aiñ ka KHADC heiyatoh wa kiwa dai madan wei iwa pynmih leh chiboon ki kulmar ha kini ki kajiak sngi.

Ka Association da ong ko wa ka KHADC da khynra wei da thmu ko wow beh lut ya waroh kiwa chong dai madan hapoh u pood u ang yong ka wei ini i leh man ko pyrchah ya ka aiñ yong ka sorkar India (Central Act) katæ ka The Street Vendors (Protection and Regulation of Livelihood) Act 2014 wei man ko leh i lehbeiñ wa i tyngkheiñ ya ka Status Quo Order yong ka Meghalaya High Court kawa da pynmih ha ka 25-11-2016.

Ha kani ka sngi kiwa chong dai madan da dawa joor ki leh wow pynkrehkaam noh ya katai ka Central Act 2014 wei wow sylli yei em kiwa chong dai madan kiwa sakhiat wei wow chna yaka Town Vending Committee ka wow kynthup ya ki dkhot kiwa chong dai madan hadooh 40% wei wow pynbna leh ya ki thaw kiwa hoi u chong dai ha madan wei wow pynbood u e sa ki Vending Certificate næ License kiwa man katkam ka aiñ. Ynne ka sngi ka seiñ kiwa chong dai madan da e ki leh ya ka Memorandum cha u CEM ka KHADC heiyatoh wa kini ki dawa yong ki.

Kiwa chong dai madan hapoh i yahkhmat ka MGSPHSVA ynne ka sngi da pyrchah joor wei da kyntait leh ya ki Form wow Register ya waroh kiwa dai madan kiwa man ki tre ri kiwa ka KHADC da saam ko ha kini ki sngi neidaw wa da chem wa i saam Form ym man ko katkam ka aiñ wei kawa thurmur kawa da saam kamwa saam kot lakdop cha ki paidbah kiwa lai wa yieñ.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang u CEM ka KHADC u Teinwell Dkhar da pyntip u wa ha i yachem wa kiwa dai madan, da paan por chwa u hajrong i dawa yong ki wei ha i jooh i por da paan u ya i yakrehlang nawaroh kiwa chong dai madan, khnang wow yoh ya phyllu yumut yow ye ka chnat wa pait yaka khayi wa ka chnat Labour wow pynbait ya ini i eh yong kiwa dai madan.

Da ong u leh wa daw em i tam i duna neidaw wa man ko ka sien kawa nyngkong wa pynkrehkaam kamtæ hap wow e por yow ye u leh ya iwa bha tam ka wym ktah yei yoh i kot kiwa chong dai madan.