15 49.0138 8.38624 1 0 4000 1 https://wyrta.com 300 0
Advertisement ad1

U pteiñ i pyrchah yei tih moochuni ka Star Cement, mynjur u DC wow pynkhooid yaka wah Lukha

0 Comments

Jowai: Ka 6 Shnong Wah Lukha Association deilang waka Dorbar Shnong Umkiang, ka Dorbar Shnong Pyrtakuna, ka KSU Jaintia Hills District Unit wa ka United Hynniewtrep Movement (UHM), ynne ka sngi ka 4 tarik da lai yachem ki wa u Deputy Commissioner, East Jaiñtia Hills District u FM Dopth hadien wa chah khut ki ha oo neidaw wa ym ye u pynman yaka Public Hearing yong ka Star Cement yow tih moochuni ha Brishyrnot kawa da mut wow pynman ha ka 19 tarik u Naichiphaw.

U DC da pynsñiawthooh u ya kiwa mihkhmat kiwa wan yachem wa oo deiwa ong wa ya ki Cement Factory toh ka sorkar kawa pynchlur ya ki wow seiñ karkhana ki cha ka thaaiñ Narpuh yow pynroi pynpaar ya ka jylla deiwa pynyoh kaam yoh jaam ya ki bru. 

Neiliang ka 6 Shnong da klam da u Womsar Talang uwa man u President ka Association wei uwa man leh u waheh chnong ka Borosra uwa da pynche hakhmat u DC wa ha ki por wa nachwa wa kiwa ha yung yong oo ki pyndap pynbiang wei kyrchaan ki ya oo ha ka puræ puthi deiwa khwe dakha ha wah Lukha tangwa katni ka wah da man ko kawa ym hoi de wow dih, wow sum wei ki dakha leh da duna bha nadooh wa wan ki Cement Factory cha ka thaaiñ Narpuh, neiliang u Daiapherbha Lamare u Secretary chnong ka Sonapyrdi ha i jooh i por uwa man leh u Secretary ka 6 Shnong Wah Lukha Association, da batai u wa kini ki Cement Factory ym jooh bood ki ya ki kyndon namo ki Guidelines wa ka sorkar da booh yow lait u chah ktah ka rymaw tangwa ki chim kabu ki ya ki paidbah yong ka thaaiñ khamtam ya ki 6 chnong kiwa chong wa sah harood wah Lukha wei da ong u leh wa yaka District Mineral Fund (DMF) ym em pynkrehkaam bha cha ki thaw kiwa da chah pynjæd ka rymaw khamtam wow booh ya ki Effluent Treatment Plant khnang wa ki jakhlia kiwa mih na kini ki karkhana ym poi lane tooid ki cha wah Lukha wei da ong u leh wa kam ka Association u yieñ bait ki yow pyrchah ya i tih moochuni cha ki thaaiñ kiwa em harood yong ka wah Lukha wei toh u leh iyi iyi khnang wa ka wah Lukha ym jakhlia chooh ko yow man biang ko kamwa wa nachwa khnnag wa ki bru kiwa im harood yong kani ka wah Lukha u yoh ki ya ki dakha dohum kiwa boon wa biang. 

U waheh chnong ka Umkiang u Lasting Pala da ong u wa kini ki Cement Factory man ki kam ki Political Party wa ha chwa ka Public Hearing poi ki cha ki wow pynbiej deiwa kular ya waroh la ha ka liang ka roi ka paar wa ka yoh kaam yoh jaam tangwa sñiawsih u wow ong wa hadien ka Public Hearing yong ki, ym em leh ki iyi iyi yeiwa kular ki. Da ong u leh wa nachwa boon ki bru na Umkiang ki lai khwe ki cha wah Lukha tangwa katni ym em lai de ki neidaw wa duna ki dakha nadooh wa em ki Cement Factory ha kine ki thaaiñ neidaw wa pyntooid ki ya ki jakhlia cha wah Lukha. Kamtæ da ong u wa kam ka chnong Umkiang u yieñ bait ko wow pyrchah ya ka Star Cement hajrong i thmu ko wow tih moochuni ha Brishyrnot. 

Neiliang won u waheh chnong ka Pyrtakuna u William Shylla, u waheh chnong ka Shymplong u Apstarling Syih wa u waheh chnong ka Lumtongseng u Wonly Kyndoh da klam ki hajrong ka yurim wow pynneh pynsah wow pynkhooid ya ka wah Lukha khnang yow man biang ko kam nachwa. 

U DC hadien wa da sñiaw u yeini waroh da phah u yaka Association wow jied ya kiwa mihkhmat yow chna da ka Committee kawa kyrpang khnang wow ye u leh ya iwa emkaam wow pynkhooid wow pynbha khnang wa ki jakhlia ym tooid ki cha ka wah Lukha yow man ko kam ki por wa nachwa. Wei da kular u wow leh ya ka kaam wow mang poisa kyrpang lyngba ka DMF wa naka Scheme wow pynimbiang ya ki wah yow lai smat ka kaam chakhmat.

Ini toh katkam ka kyrwoh wa phah da u Daiapherbha Lamare, Secretary 6 Shnong Wah Lukha Association. 

0 Comments

Leave a Reply