Ki khynnah purae ka Jowai Polytechnic hapoh ka lama ka Jowai Polytechnic Student Association ynne ka sngi hapoh i yahkhmat u Wankit Kupar Nongrum, General Secretary ka Association wa kiwa kitkaam da lai yachem wei da e ki dei thoh ha u Montri ka chnat Sports & Youth Affairs ka sorkar Meghalaya, u Wailadmiki Shylla neibynta u pynmiat pynbha ya kani ka thaw puræ khamtam heiyatoh u pynyoh ya ki madan yalehke ya ki khynnah nadooh ka madan Football, Basketball kamjooh ya ka madan yaleh Volleyball.
Neiliang ki khynnah da pynsñiaw ki ha u Montri wa katkam wa da yah wei dawa i por khamtam i pynchlur ka sorkar ya ki khynnah khynroo u chimbynta ha ki kaam yalehke, ki khynnah puræ ka Jowai Polytechnic won hadooh ynne tang kawi ka madan wa paka ym pu yoh ki hanla da jan dap ka Jowai Polytechnic la 25 tylli ki snem kattu wei ha man wa emkaam ya ki thaw yalehke da hap yang u yoh bor na kiwi tawan ki thaw purae ne ki Association yow yoh thaw u pynman ya ki kaam yalehke.
Neiliang u Montri da ong u wa kamwa man hi wa ka Jowai Polytechnic kawa em hapoh ka Constituency ka yong oo daw yaleh u e iwa bha tam ya ki khynnah wa ya ka Institute hanla ym ye u e waroh chisien e, tangwa katwa ye i bor daw lehbha u ya ki khynnah wa puræ ha kani ka Institute, deiwa pait leh wa ymtoh u noh chiliang i e katwa em hi-eh ko hapoh Constituency yong oo tangwa deiwa myntoilang ya waroh heijooh i por daw pait ya ka mang tangka ka Sports Department ka yong oo.
Da pyntip u leh wa daw wan u da oo hi yow yachem yaklam wa ki khynnah yow ap yow yoo yei eh ki khynnah wa puræ khnang yow nang pynbha chooh chooh ya kani ka thaw puræ kawa man du ka donhi wa em hapoh Jaiñtia Hills.
Discussion about this post