theme-sticky-logo-alt
theme-logo-alt
Advertisement ad1
Advertisement ad1

Dawa kyrriah ka KSU ya kiwa sah pyrchah ya ka aiñ ha Maxwelton Estate

Advertisement ad1

Ka Khasi Students’ Union-Laban Circle da yachem ko waka DC ka East Khasi Hills District yow dawa tuklar ya kiwa sah ha Maxwelton Estate ka thaw wa heh kamwa 9 Acre iwa dang haap hapoh ka Dorbar Chnong Kenches Trace Oxford Rilbong (K.O.R), Shillong heiwa ha kani ka thaw da em boon ki bru wa sah wa chna yung pyrchah ya ka aiñ khlem da yoh bor naka Dorbar Chnong lane na kiwon kiwon ki bor sorkar.

Ka seiñ da ong ko wa kini ki bru wa wan na baar da wan sah ki ha ini i thaw da boon snem wei da chna ki ya ki yung wym em paikhana heiwa waroh i jakhlia da pynlai bait cha ka um wa em heini iwa da ktah ya kiwi kiwa sah chajan.

Advertisement ad1
Advertisement ad1

Da pyntip leh wa kini ki bru da psan masi wa kiwi de ki mrad hanla ini i thaw dang haap i hapoh i thaw ka Shillong Municipal tangwa ym em wa pait yeini hadooh katni hanla da dep lai ujor ka seiñ cha ka Municipal.

Chooh chooh da ong wa kani ka thaw katni da man ko ka thaw wow leh ya kiwa boon ki kaam pyrchah aiñ nadooh ki kaam awria, i dai drug, i lute wei ym man chngaaiñ de ya ki khynthai wa ki khynnah wa sah ha kani ka dong.

Kamtæ da kyrpaad ya ka DC wow kyrriah noh ya kiwa kiwa sah ha ini i thaw pyrchah ya ka aiñ.

Ha iwi won i liang, ka seiñ da pynsñiaw ko leh yei sñiawkhia yei toor pood ki chipai ka Indian Army ha Lawsohtun Block-VI hadooh wa da pynthut yei lai i wan ki paidbah deiwa kah ya ki luti syngkieñ ki wym toh ki thaw yong ki chipai. Kamtæ da kyrpaad ya ka DC wow tuklar ya ini deiwa phah tympleh leh ya waroh ki Signboard wa da thoh wa kdaw wa toh i thaw chipai hanla u sarok toh ka yong ka PWD katwa i thaw won toh i yong ka Dorbar Chnong wa ki yong sorkar.

Share this:
Previous

Da pynthymme ya i dor phniang-charak ha East Jaiñtia neibynta u Naisaphra

Next

Dawa pasi ki paidbah ya kiwa tynyap ya kiwa kamai kari