I dawa wow kset patok chi rta lane dei wow pasi ya kiwa emkti tynyap ya kiwa yah kari kamai hapoh West Jaiñtia Hills da nang joor i ha kini ki sngi neibhah da dawa yeini i jooh ha ka lai paidbah namo ka Rally wa pynman daka Shillong, Guwahati Tourist Cab Association, ka All Jaintia Commercial Vehicle Association wa ka chnong Moorap, ynne ka sngi won saka Joint Action Committee Nartiang khanduli Area da pynman ko yaka Rally ha chnong Mynsngat wada chimbynta daki waheh chnong waphær waphær, ki seiñbhalang, kiwa yah kari kamai, ki paidbah wa kiwi.
Ha kani ka Rally ha Mynsngat leh ka sur uwa boon wa lang hi toh i dawa wow kset patok chi rta namo wow pasi ya kiwa emkti khnang yow chngaiñ i lai i wan u paidbah wa i lai lai khih lai khan.
Kiwa e yei klam haka yalang wada pynman hadien ka Rally kynthup ya u Waheh Chnong ka Mynsngat u Phrangki Phawa, u Agustin Timung, Secretary JAC Nartiang Khanduli Area, u Waheh Chnong ka Rakabah u H. Sari, u Waheh Chnong ka Saphoh u Mutshwa Thabah, u Waheh Chnong ka Mookjat u S. Dkhar, u Waheh Chnong ka Namdong-B uwa ma leh u Chairman ka JAC Nartiang Khanduli Area, u DS War, u President ka JAC Nartiang Khanduli Area u D. Dkhar, u Waheh Chnong ka Moorap u Standly Ryngkhlem, kiwa yahkhmat seiñbhalang wa naka JSU, KSU, STIEH, JSM kiwa yah kari wa kiwi kiwi.
