September 3, 2022
Ka Saipung Block Sports Association (SBSA) ynne da sdang ko ya ka Super Division yong ka ha chnong Lamyrsiang da ka yalehke hapyrdi ka Lamyrsiang SCC pyrchah ya ka Latyrke SC heiwa waroh da em 10 tylli ki dhab hapoh kani ka Super Division.
Ka yalehke da man ko kawa yoosuk kawa da ye ka Latyrke SC wow pynkhih nyngkong ya ka jaar lyngba uwa yalehke yong ka uwa napoh Mizoram uwa pyrtuid kam u Zosiam Liana uwa da thap lyngba ka Free Kick ha ka minit wa 56.
Ka Lamyrsiang deiwa yaleh chitom da yoh ko wow su lyngba u Lambard Chyrmang ha ka minit wa 74 wei da ban sa chi kool ha ka minit wa 84 lyngba u Das Dkhar yow pynjop da 2-1 ya ka Lamyrsiang.
Ya kani ka lympung da wan wow wai da u Vincent H. Pala, MP kam u kongsan wa u Richard Singh Lyndoh, MDC kam u symbood kongsan.
U Vincent H. Pala hawa e yei klam da pynchlur u ya kiwa yalehke wow man ki kiwa smat wa stiñ wow ya chimbynta ha ki kaam Sports khnang wow yoh ya ka spah i chait i khiah.
Ka yalehke wa bood u pynman ha kani ka 5 tarik hapyrdi ka United Biate FC waka Narwan FC heipor 12:15 pyrdi sngi wei daw pynbood da ka Jarain SC pyrchah ya ka Moochut Pyrdung SC heipor 2:30 i sngi.
