Ka seiñ HNYM-East Jaiñtia Hills District da thoh ko cha u DC ka District wow dawa na oo u pyndam ya ka Public Hearing wa daw pynman da ka Meghalaya State Pollution Control Board ha ka 8 tarik uni u bnai neibynta ka Star Cement kawa da paan sa 65 Acre i thaw ha Brishyrnot yow tih moochuni.
Ka seiñ da ong ko wa kani ka Public Hearing man ko pyrchah yei sñiaw ki paidbah kiwa chong chnong kani ka thaaiñ wei da kylli leh iyi yoh myntoi ki paidbah deiwa em kani ka karkhana neibhah wot i khyndaw-bilat leh man i iwa sy’at dor bha.
Najrong ini da pynsih leh ya ka um dih, ki wah wei da pynbaam ya ki paidbah da i laphooh.
Da ong leh wa lada lai chakhmat wow pynman ya kani ka Public Hearing, ka seiñ daw mih ko wow pyrchah lang wa ki paidbah.
Kamtæ da kyntu ya u DC wow pyrkhat yei suk i saaiñ deiwa pyndam ya kani ka Public Hearing.
Discussion about this post