Kiwa chong chnong ka Wapung Shnong da pyntip ki wa i yakhih hapoh ka chnong dapoi i kattu la chi bnai yow dawa pynhiar chuki ya u Waheh Chnong, u Mutlang Dkhar, u Secretary Chnong, u Jointly Dkhar wa u Chairman Chnong, u Chalanbha Dkhar wei heiyatoh wa ini dadep leh wow phah ya ka chithi ujor cha u Dolloi ka Elaka Jowai, u Puramon Kynjing ar sien.
Ki daw toh heiyatoh wa u pood u ang ka chnong neibhah da emkaam wow pynman ka yalang paidbah næ ka Dorbar yow chim ya ka rai wa khaddooh wei yow tip leh ka Executive Committee lada kiwa chong chnong mynjur ki yei rai neibhah i rai wa khaddooh chong ko ha kiwa chong chnong.
Neiliang u Dolloi da chimkhia u wow wan ynne ka sngi yow takit ya ki ujor wa da booh ha oo wei neiliang ka chnong da kyrpaad ko wow pyndep smat yeini i takit neibhah u yaichah ki sa 3-4 sngi donhi wei lada ym ye u leh katkam i bor yong oo, neiliang kiwa chong chnong daw pynjoor ki yei yakhih.
Da ong leh wa ki kam kiwa chong chnong kiwa jied ya kini kiwa yahkhmat wei em hok ki wow pynhiar ki lada ym ye ki u synchaar ha ka luti wa toh wa tne.
Discussion about this post