Ka HYC East Jaiñtia Hills da lai yachem ko wa u DC ka East Jaiñtia Hills District yow pynsñiaw yei chem chitom kiwa yaleh kreh neidaw wa pynman Exam ar tylli ha ka jooh ka sngi da ka chnat i chait i khiah.
Ka seiñ da ong ko wa da em chwa ka National Ayush Mission Exam kawa da booh yow pynman ha ka 03-08-24 ha Jaintia Eastern College, Khliehriat iwa da pynbna da ka yung krehkaam u District Medical and Health Officer (DMHO) yow yaleh kreh yow man kam ki Medical Officer (Ayurveda), Medical Officer (Homeopathy), Staff Nurse wa Lab Technician.
Ha katai ka 3 tarik da em leh sa kawi ka Exam kawa pynman da ka yung krehkaam ka Director of Health Services (MI) ha Shillong.
Ka seiñ da pyntip ko wa kiwa yaleh Exam da ong ki wym ye ki wow yabeh cha Shillong ha ka jooh ka sngi neibhah wa jngai na Khliehriat.
Kamtæ da kyntu ya ki bor wa toh u pait yeini wow kyrriah noh ya ka sngi pynman Exam ya ka NAM cha kawi won ka sngi yow yoh laad kiwa yaleh kreh u lai yaleh ya waroh ar kini ki Exam.
Discussion about this post