Ka Manu Bhaker kawa dang 22 snem i rta, da man ko ka kynthai wa nyngkong dooh na India wow yoh takma Olympics hei yasiat ha ka Women’ 10m Air Pistol deiwa toh takma tama ynnin ka sngi ha ka Paris Olympics 2024. Da dooh ko ya ka takma rupa da 0.1 iwa da yoh da ka Kim Yeji na Korea wei ya ka takma ksiar da yoh da ka Oh Ye Jin kawa na Korea hi.
Ha ka Tokyo Olympics ka Manu Bhaker da sepai i chimbynta ko hadien wa sih ka Pistol ko. Da man ko leh kam kawa dadep yoh takma la 9 snien ha ki yalehke World Cup hei yasiat wei da man ko leh kawa san na India wow yoh takma hei yasiat ha Olympics.
Chwa wow poi cha ka Final ha ka Paris Olympics, ka Manu Bhaker da yoh ko hei wa le ha kani ka Women’s 10m Air Pistol deiwa yoh 580 ha ki Qualification Round.
Ka Mani Bhaker kam kawa nyngkong dooh ka kynthai na India wow yoh takma ha ka Olympics, da man ko leh kawa nyngkong ka kynthai wow poi cha ka Final ki yakhun yong samen ha ki 20 snem wa da lai hadien wa ka Suma Shirur dapoi Final ko ha ka 10m Air Rifle ha ka Athens Olympics wa da pynman ha Greece ha u snem 2004.
Na kiwa dadep yoh takma ha ki Olympics hei yasiat kiwa na India kiwa da em soo ngut chwa ini, ym pu em wa yoh da ka kynthai wei kiwa dadep yoh takma toh ki chynrang suda kiwa man kamni ha wah.
| Shooter | Event | Medal | Olympics |
| Rajyavardhan Singh Rathore | Men’s double trap | Silver | Athens 2004 |
| Abhinav Bindra | Men’s 10m air rifle | Gold | Beijing 2008 |
| Gagan Narang | Men’s 10m air rifle | Bronze | London 2012 |
| Vijay Kumar | Men’s 25m rapid fire pistol | Silver | London 2012 |
| Manu Bhaker | Women’s 10m air pistol | Bronze | Paris 2024 |
Discussion about this post