Hadien wa ka UPSC da tyrwa ko yei pyrtuid ki 3 ngut yow man kam ki Director General of Police (DGP) wa thymme ka Meghalaya, neiliang BJP Meghalaya da lai yachem ko wa u Montri Rangbah ka jylla yow dawa thung da ka Idashisha Nongrang, IPS (RR–1992) kam ka DGP.
Hawa yaklam wa kiwa thoh khubor, uwa e ktien ka BJP, u Mariahom Kharkrang uwa da chong-ngiah kam u IPS Officer, da ong u wa ka Nongrang toh kawa biang dooh ka bru wow chimkti ya ini i kaam neidaw ka toh kawa da kreh chwa hapoh ka Meghalaya Police.
Da ong u leh wa ka toh ka bru wa da burom da waroh wei kawa kreh chitom yei kaam yong ka.
Chooh chooh da ong u wa ngait skem wa deiwa em ka kynthai kawa man leh kam ka jaitbru ri-loom kawa da heh da san ha Meghalaya da man ko kawa biang bha wow yahkhmat yaki pulit ka jylla wei sñiawthooh bha ko yei rukom man ki bru nadooh ka riti dustur iwa emkaam bha manda kreh kam ki pulit.
Discussion about this post