Jowai: U Marki Mulieh, MDC ka JHADC hadien wa pynmih pyrthai u yei thung kreh beaiñ ka Executive Committee wa yahkhmat da u Thombor Shiwat kam u CEM heiwa da thung kreh kamjooh pynman wa kreh wa pura (Regularized) ya kiwa kreh ad-hoc ka JHADC khlem pynbna paidbah (Advertisement) kiwa da poi 90 ngut tam wa kynthup ya kiwa kreh Grade-I Junior Engineer, ki Grade IV, Peon, Forest Guard, Chowkidar, Sweeper, Process Server, Electrician Helper wa Fieldman. Neiliang u CEM won da pynche u deiwa ong wa thung kreh ki du 10-12 ngtu donhi katæ toh ha ka post Grade-IV donhi.
U Mulieh da ong u wa ini toh wa yah bakla u CEM ya ki paidbah wei pynyoo ko leh wa ym em kitkhlieh u CEM yeiwa ka Council haap mad ko neipor cheipor khamtam ha kini ki por wa raw poisa ka Council kamtæ da dawa u Mulieh wow hiar chuki noh u CEM.
U Mulieh leh da ong u wa ini ym toh i sien wa nyngkong ha ki 3 snem wa synchaar kani ka EC wa kiwa em ha ka bor sñiawsuk ki u tyngkheiñ ya ka aiñ krehkaam ka Council yow pynhun ya ki kattu katni ngut wa em yatoh wa ki wei lyngba ini i leh yong ki daw pyntlot ko ya ka Council iwa ye u poi hadooh wa chah pyndam noh ka Council.
Kamtæ hajrong kani ka yurim ye wow ong wa lada kani ka Council pteiñ ko u krehkaam kamni ye wow jia iyi iyi i wym poi pyrkhat heiwon iwon i por. Pynkut u Marki Mulieh
Also Read: Joor i thung kreh wa khlem yurim ha ka JHADC: Marki Mulieh
Discussion about this post