U MLA ka TMC na Rajabala, u Dr. Mizanur Rahman Kazi ynnin ka sngi kawa man leh ka sngi khaddooh wow phah dei thoh cha ka Expert Committee ka Reservation Policy ka Meghalaya, da dawa u 5% neibynta ki Desi Muslim kiwa im ha Plain Belt ka Garo Hills.
Da pynchong yurim deiwa kdaw wa ki Muslim da sah ki ha kani ka thaaiñ nadooh u snem 1600 AD heipor wa dang synchaar ki Mughal iwa pynyoo wa kini ymtoh kiwa psiah tooh næ kiwa wan dang ha kini ki sngi wei da sah ki ha kini ki thaw nadooh chwa wow chna ya ka Meghalaya na Assam wei chwa itæ nadooh ki por wa synchaar ki syiem Mughal.
Da ong u leh wa ini i dawa yong ki ymtoh deiwa ktah yei bhah yong kiwi, deiwa pynrap wa i long i man ki Desi Muslim ha kini ki Plain Belt toh kiwa da yoo wyrai nadooh ka yoh ka kot leh man ki kiwa dooh bha.
Discussion about this post