Ka Jaiñtia Institute of Technology (JIT), Jowai ha ka 15 tarik uni u bnai da pynman ko ya ka yalang pynkup burom ya ki 30 ngut kiwa da pyndep yei chah sikai wa tip kam ka Rural Masonry kawa man neibynta kiwa kreh mistri.
Kani ka e sikai kawa 2 bnai da pynman ha chnong Namdong wei man ko leh kam chibynta wow sikai yow chna ya ki yung sorkar (PMAY) hapoh West Jaiñtia Hills.
Ya kani ka e sikai wa mynkna da pynman hapoh ka Skills Meghalaya wei da kyrchaan poisa da ka MSSDS.
Ha kani ka pynkup burom da emlang u Bankitbor Marwein, Managing Director ka JIT uwa da pynlai leh ya yalang deiwa emlang u Dr. Heimonmi Niang, BDO Namdong Block kam u kongsan, u L. Suchen, SDO MSSDC West Jaiñtia Hills kam u symbood kongsan deiwa sakhi leh ki waheh chnong ka Namdong A wa B.
Kini kiwa da pyndep yei chah sikai da yoh ki leh wa ki tiar ki tar kreh mistri wa kynthup ya ka Bosch Professional Angle Grinder waka Bosch Professional Impact Drill.
Discussion about this post