U MP ka Shillong, u Ricky AJ Syngkon da lai e chithi u cha u Montri ka sorkar pyrdi wa pait ya ka Road Transport & Highways, u Nitin Gadkari yow dawa pynchna ya u sarok NH-6 ha Meghalaya uwa da sih bha katni.
Ha ka chithi wa da e kti da ong wa uni u sarok toh uwa emkaam bha neibynta ka chnong Shillong, Jowai, Silchar, Agartala waka Aizawl wei uwa kut hadooh wa poi cha u pood Myanmar.
Da ong leh wa kamwa man kattæ i bynta uni u sarok iwa em hapoh East Jaiñtia Hills toh iwa da sih bha iwa da ktah bha ya kiwa lai luti na Jowai cha Ratacherra wei khamtam ha kini ki por slap da joor chooh chooh i sih hadooh wa hap sah miet kiwa lai luti na uni u sarok.
Chooh chooh da ong wa ha kini ki snem wa da lai uni u sarok toh uwa da neh bait i sih u wei da ktah u leh yei kamai kajih ki bru hadooh wow dooh yei mynsien bru ki soo jylla wa emkaam ya uni u sarok nadooh ka Meghalaya, Assam, Tripura wa Mizoram.
Kamtæ da kyntu ya u Montri wow chimkhia u wow leh smat iyi ræ iyi yow pyndooh yei chimtom ki paidbah kini ki jylla.
Discussion about this post