U MP ka Shillong, u Ricky AJ Syngkon da kyntu u ya ka chnat Transport ka jylla wow khang chisiendon yei em ki Truck kiwa pynjrong yei doh ka kari yow ye u kit rap boon ki mar deiwa ong wa kini ki jait kari toh kiwa leh hadooh wa smat sih ki sarok wa dangdep chna thymme.
Da ong u wa i pynchna ya ki Truck kamni man ko leh pyrchah ya ka aiñ wei manda pynjrong yow ye u kit palat ya u pood, lang i khia ha iwi i bynta hadooh wa smat sih u sarok.
Kamtæ lada ym ye ka sorkar wow khang yeini daw ktah lut ko ya ki luti syngkieñ wa em hapoh ka jylla.
Heiyatoh wa i pynchna ya u sarok NH-6 ha ki bynta ka East wa West Jaiñtia Hills, da beiñ u ya Company Purvanchal yei pynslem ko wow kreh ya uni u sarok, heiwa neiliang u MP da ong u wa ym em kreh katkam ki kyndon wa da booh wei da toh u pynbait yeini heiwa hadooh i kmai u sarok leh ymtoh katkam wa da booh heiwa da khian pathan u.
U MP hawa lai pait ya u sarok da ong u wa ini i wym bood ya ka kyndon toh ka wym ye u pdiang wei da phah u leh ya ki wow chna pynheh ya u sarok katkam wa da booh tangwa da e daw bait ki.
Heiyatoh wa ki bynta wa pynchna da ka Dhar Construction Company, neiliang u MP da ong u wa biang hi i.
Puræ leh: Phah ka sorkar jylla wow pynkylla biang ya ki kari kamwa man heipor wa thied | Da e por 60 sngi
Discussion about this post