Ka NPYF Tyrshang Unit da e khublei ko ya u MLA yong ka Nartiang Constituency uwa man leh u Deputy Chief Minister, u Sniawbhalang Dhar uwa da ap yei pynsñiaw yong ki wow pynbha ya u luti lai kit kba.
Ya uni u sarok da yoh u pyndep ha ka 15 tarik uni u bnai heiwa da pynsuk ya ki warep yong ka chnong Tyrshang hawa lai kit kba ki.
Ha kani ka sngi wa pynbha ya uni u luti da emlang leh wa u President ka NPYF Tyrshang Unit, u Walmijune Syngkon, u Secretary, u Damian Pynrope wa ki kattu katni ngut ki dkhot ryngkat wa ki Adviser kiwa da da synraan pynyoh mynsien ya ki dkhot waroh.
Discussion about this post