Kam ka dak wow pynem burom ya ka sngi kiwa sikai namo ka Teachers’ Day ha ka 5 tarik uni u bnai, neiliang ka Sarot I Man da pynman ko da ka Blood Donation Camp ha Jowai Civil Hospital Blood Centre wa em ha Panaliar.
Chwa wow e snaam da em ka yalang wa tbian wa pynlai da u Jait Dao Sumer wei da yoh leh yei klam na ka Dr I. Khyriem, Medical Officer wa na u Aziz War, dkhot ka SIM.
U Aziz da ong u wa i e snaam ka Sarot I Man toh kawi na ki mat krehkaam wa hakhmatdooh yong ka, ymtoh wa yachongchit hi-eh ki dkhot wei kani man ko ka laad yarap ya kiwa emkaam snaam. Khut u leh ya kiwi ki lok wa manda pynman biang ka Sarot I Man yow ya ksohktilang ki.
Neiliang ka Doctor da ong ko chiboon kiwa wan e yei snaam heini, tangwa e yaroh ko ya ka Sarot I Man, kawa man kawi na ki seiñ wym pu jooh pep nadooh wa em ko ha katai ka Blood Centre. Kamtæ e khublei ko ya waroh ki dkhot, heijooh i por kyntu ko ya ki yow neh ini i mynsien yarap yong ki sam chaphrang yow pynkhlan ki leh neibhah i e snaan pynstiñ ko yei doh i pran uwa e wei yoh kyrkhu manda e yarap ya kiwi.
Kiwa ya e snaam ha kani ka sngi toh u Kyllimot Lhuid, u Mariabud Paswet, u Heibor U Tre Syngkon, u Ram Sumer wa u Sienmitre Sumer.
Ya ki kyntien khublei da e da u Shape Pasweth.
Discussion about this post