• About Us
  • Contact Us
  • Privacy Policy
  • Advertise With Us
  • Terms & Conditions
Saturday, September 13, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
Home Culture

Dei ka’it mynsien pyndep ki khon ka Raij Tuber ya ka Behdieñkhlam

Wyrta Staff by Wyrta Staff
July 22, 2022
Reading Time: 5 mins read
A A
0
Share on FacebookShare on Twitter
ADVERTISEMENT

Ynne ka sngi Muchai ki khon ka Raij Tuber da pyndep ki ya ka lehniam Behdieñkhlam ha Biar Aitnar, Tuber Kmaichnong heiwa da wanrah hadooh kamwa 60 tylli ki Rot ki Rong na kylleiñ ki chnong ka Raij kiwa em ha East wa West Jaiñtia Hills.

Kani ka lehniam Behdieñkhlam toh kawa heh dooh ha Ri-loom Jaiñtia da sdang ya ka nadooh ka 19 tarik uni u bnai heiwa da pyndep ya ki sarin niam kiwa man ki bynta yong ka Behdieñkhlam da i chaad i kmen, i kñia i khriam, i ngooh i dem, i suit i choor wa yahkhmat da u Langdoh, ka Langdoh deilang ki Wasan Raij kiwa kynthup ya u Sangot, Maji, Chutia, Dhulia, Kitkhoh ar ngut ki Tymmen ki San (Tymmen Raij).

Ynne i step da pyndep ya ka Kñia Beh Khlam neitæ u Langdoh wa ki Wasan da e Klong Pyrnah ki cha ki Dong wa chna Rong na ki Seiñ Raij Chnong waphær waphær.

Ha Biar Aitnar da wanrah ya ki Rot Ki Rong na kiwa em kamwa 60 tylli ya kiwa da thoh ya ki kyntien wa yatoh wa i yada ya ka rymaw, i chongsuk, wow yakhun ya i drugs, i dap 75 snem ka ri wa kiwi kiwi. Hadien wa poi lut ki Rong da pynbood sa ka Niam Yaboh wei Yataan Bhang, hadien neitæ hadien wa noh ya ki Rong ki Rup da pynkut ya ka lehniam daka Yaslait Niam.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Ynne ka sngi ha Madan Biar da sakhi wa ki khon ka Raij dei ka’it mynsien da chaad ki wei da wan tooid leh ki paidbah da ki hajar neibhah da yoh biang ki u wan cha kani ka thaw deiwa laitlooid hadien ar snem wa pynthut ka khlam kjut COVID-19.

Ha kani ka sngi u montri rangbah ka jylla, u Conrad Sangma da e u ya ki kyntien khublei Behdieñkhlam na nongbah New Delhi lyngba ka Video wei kamjooh leh da u lamphang ka yung dorbar chna aiñ, u Metbah Lyngdoh leh da e u ya ki kyntien ekhublei lyngba ka Video.  

Ya kani ka sngi pyndep ya kani ka lehniam Behdieñkhlam da wan sakhi da u Montri ka sorkar jylla u Renikton L Tongkhar, u MLA ka thaaiñ uwa man leh u montri ka sorkar jylla, u Kyrmen Shylla, u MLA ka Jowai u Wailadmiki Shylla, u CEM ka JHADC u Thombor Shiwat wa ki MDC, u Dolloi ka Elaka Jowai, u Puramon Kynjing wa ki sahep sorkar kamjooh ki paidbah wa wan na kylleiñ ka jylla.

ShareTweetSendShare
Previous Post

U mylliñ noh yei klam u Lahkmen, ym emkaam de u wow paan maap: MSSASA

Next Post

Yoh kem ka KSU Narpuh ya 7 ngut kiwa suba nong Bangladesh

Related Posts

Culture

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025
Culture

Pynskem Unit ka Seiñ Kur Suting ha chnong Moosakhia

August 31, 2025
Culture

Pyndep ka Raij Mukhla yei lai thooh ya ki Dieñkhlem ha ka sngi wa ar ka Behdieñkhlam

August 29, 2025
Culture

Sdang ka sngi wa nyngkong ka Lehniam Behdieñkhlam ka Seiñ Raij Mukhla da ka Dorbar Niam

August 28, 2025
Next Post

Yoh kem ka KSU Narpuh ya 7 ngut kiwa suba nong Bangladesh

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar