theme-sticky-logo-alt
theme-logo-alt
Advertisement ad1

Yoh kem ka KSU Narpuh ya 7 ngut kiwa suba nong Bangladesh

Advertisement ad1

Ka KSU Tongseng Narpuh Unit waka KSU Narpuh Circle da yoh ksoh ki yaka kari Sumo wa em ya u Number AS-24C-2140 kawa kit hadooh 7 ngut kiwa suba nong Bangladeshi wa kynthup ya 5 ngut ki kynthai wa 2 ngut ki chynrang, katwa u dalal wa uwa yah kari da yut ki wei da chem leh ya 30 tylli ki EPIC kiwa da suba toh kiwa da chna thok

I yoh ksoh ya kani ka Sumo ha Tongseng Narpuh toh dei yakrehlang ki ar seiñ itæ toh hadien wa u K.S Suchiang, General Secretary KSU EJHDU wa u Phanuel Tongper, Vice President Narpuh Circle mar ya yoh yutip da Phone ki wut wut cha ki dkhot ka KSU Tongseng Narpuh unit.

Hei kylli takit ka seiñ na kiwi won kiwa yah Sumo da ong wa ya kani ka Sumo da chem ki wa pynyieñ yaka ha Ratacherra deiwa pynkhyruiñ khmat mar kylla iwa mut nei thaw wa wan ko wei wym em bru hapoh lait na uwa yah.

Da ong wa kani ka Sumo da leh ko kamwa sih deiwa yieñ harood, tangwa du chipor kiwi won kiwa yah Sumo da khyrngiat ki wow yoo ya kani ka Sumo wa wan ko hadien deilang wa kiwa chong kari. Heitæ wot  suba joor wei pyntip wot cha ka seiñ.

Da suba wa ya kini nong Bangladesh mut wow li booh cha Lad Rymbai. Kamtæ neiliang ka seiñ da e kti ko ki ha Lumshnong Police Station yow leh ki yeiwa emkam.

Ka seiñ pynsñiaw haroh ko i diaw wa ka sorkar lyngba ka chnat Infiltration wym ye ko u ksoh næ pait yei psiah tooh ki bru wot na baar ri, neibhah wa booh ko hei maa yaka jylla waka ri waroh kawi.

Kamtæ hajrong kani ka yurim da ong ki wa ka KSU neipor chei por dawa bait ki u pynkrehkaam da ki aiñ wa khlan kam ka Inner line permit (ILP) yow chngaaiñ ka jaitbru.

Advertisement ad1
Share this:
Previous

Dei ka’it mynsien pyndep ki khon ka Raij Tuber ya ka Behdieñkhlam

Next

Ka yakob miat khynthai ‘Miss Meghalaya 2022’ yong ki khyllood ha u Naikhynde