Ki paaid Christan yong ki Balang waphær waphær nadooh ha sor wa ha palatsor ha ki kajiak sngi wa dep da pynkhreh ki yei rukom waphær waphær kam i dak pdiang burom yei wan manbru u Jisu Christ cha ka pyrthai ha ka sngi Christmas, kamtæ ynne ka sngi kawa man ka sngi wa khroo wa kyrpang da sakhi wa ki paaid Christan dei mynsien wa sñiaw ka-it da ya lai mih ki cha ki yungmane yow ap u sñiaw ya ki khubor waphær waphær wada wanrah heiyatoh wa kani ka sngi wa wan u khon u Blai cha ka pyrthai.
Hadien wa wai ki yaseiñ, hei janmiet yong kani ka sngi won em ki Balang ha sor wa palatsor da pynman ki ya ka Christmas Carol deilang wa ki sur Christmas waphær waphær.
Ha uni u snem na ki Balang wa em ha Jowai da lai Christmas Carol du ka Balang Presbyterian Jowai wei da yoo leh yei lai Carol ka CMC Iawmusiang-Khimmusniang kawa haap hapoh ka Balang Catholic Jowai.
