theme-sticky-logo-alt
theme-logo-alt
Advertisement ad1
Advertisement ad1

Pynbna u Modi wow e tika noh neibynta ki khynnah kiwa da dap 15 snem

U Montri Rangbahdooh ka ri, u Narendra Modi ynne ka sngi da pynbna u wa nadooh ka 03-01-22 ki khynnah kiwa em 15 snem chaneiñ daw chah ya ki wow chim tika yada COVID-19.

Daw chah leh ya kiwa em hakhmat dooh wow yaleh pyrchah ya ka khlam namo ki Frontline Workers wow chim ki ya ka Booster Dose yow pynkhlan yei bor i doh i pran wow yaleh pyrchah ya u khñiang iwa mut wow chim yei tika sa chisien kamjooh ya kitu kiwa em chwa i chitom kiwa em 60 snem chaneiñ i wow sdang nadooh ka 10-01-22.

U Modi da ong u yei e tika da sdang nadooh ka 16 tarik u bnai nyngkong uni u snem heiwa da ye wow e hadooh 141 klur sien. Heiwa da em 61% kiwa da dap 18 snem chaneiñ kiwa da yoh tika la arsien wa 90% kiwa da yoh tika chisien.

Da pyntip u leh wa ya kitu kiwa da em chwa yei chitom kiwa em 60 snem chaneiñ i rta daw ye ki wow chim yei tika katkam wa yoo emkaam ki Doctor yong ki.

Ya ini da pynbna hadien wa ya i tika wa da chna da ka Bharat Biotech wa tip kam u Covaxin da yoh bor wow pynemkaam neibynta ki khynnah wa em 12 snem chaneiñ.

Da kdaw u leh wa ha India katni da em kiwa yoh ya u Omicron deiwa kyntu ya ki paidbah wym yoh u hær-rngu ki tangwa wow myllien wow sait ya ki kti wei wow deiñ ya ki Mask.

Wow yaleh pyrchah ya ka khlam hapoh ka ri, u Modi da khana u wa da em 18 lak tylli ki thaw-thiah yow chongkset samen (Isolation beds), 5 lak tylli ki thaw-thiah wa da pyndait Oxygen, 1.40 lak tylli ki thaw thiah ICU, 90,000 tylli ki ICU Beds wa ki Non ICU Beds kiwa da chna kyrpang neibynta ki khynnah, palat 3,000 ki PSA Oxygen Plants, 4 lak tylli ki Oxygen Cylinders wei da e leh ki kyrchaan cha ki jylla yow e yei tika pynkhlan kamjooh wow leh Test.

Kiwa dang chah ktah ha u COVID-19 ha India da em ki 77,032 ngut hadooh ynne ka sngi heiwa kiwa dang yoh ha kini ki 24 kynta da em ki 7,189 ngut. Kiwa dang chah ktah kiwa em 77,032 ngut toh iwa duna dooh hadien 579 sngi.

Share this:
Previous

Dei lai Carol pynkut ya ka lehkmen Christmas ha Jowai

Next

Pynmih kyndon thymme ka Assam ha ki thaw niam, T. 1000 ka kuna ya ki wym deiñ Mask