theme-sticky-logo-alt
theme-logo-alt
Advertisement ad1
Advertisement ad1

Dei lai kjat poi u Vijay Kumar ha Meghalaya na Bihar wa i thmu wow wanrah yei kylla ha ka ri 

Advertisement ad1
Advertisement ad1
Advertisement ad1

U Vijay Kumar toh uwi na ki bru samen wa kreh neibynta ki kaam bhalang na sorbah Patna ka jylla Bihar wei ha kani ka kynti da sdang u ya ka Bharat Paidal Yatra namo wow lai-kjat ha kylleiñ ka ri wow pynsñiaw yei emkaam wow wanrah yei kylla ha i rukom synchaar ha ka ri waroh kawi.

Ynne ka sngi u Vijay Kumar da wan u ha Ri-loom Jaiñtia lyngba ka East Jaiñtia Hills na Assam deiwa lai-kjat na Ratacherra, Khliehriat kamtæ ter ter deiwa rah ya ka lama ka ri ha kti wei da synraan ya oo da ki ar ngut kiwi tawon kiwa bood ya oo kiwa chong da ka kari. 

Advertisement ad1

Nadooh wa sdang u ya ini i lai kjat da lai lyngba u ya ki jylla ka thaaiñ Mihsngi ka ri kiwa kynthup ya ka Assam, Arunachal Pradesh, Manipur, Mizoram, Tripura wei katni da poi u ha Meghalaya wei daw pteiñ u yeini i lai-kjat cha waroh kiwi ki jylla ka ri. 

Neiliang u Wyrta hawa yoh u yaklam wa u Vijay ha ini i lai luti yong oo da pyntip u wa ini i lai-kjat u da sdang nadooh ka 26 Duyatra (January) na Patna wei da kwah u wow wanrah ya ka khubor ha kylleiñ ka ri yeiwa embor ki khynroo khyllood ka ri wow pynwandur ya ka wow ryngkat ko wa kiwi ki ri ka pyrthai.

Ki mat wa kwah u wow wanrah yei kylla ha waroh kawi ka ri kynthup i yei wow em ka bhah kawa 80% neibynta ki khynroo khyllood ha Parliament wa ki Dorbar Chna Aiñ ki jylla (State Legislative Assembly). 

Chooh chooh kiwi ki mat wa kwah u Vijay Kumar wow wanrah ka sorkar yei kylla toh wow embynta kiwa dooh wa duk ha ki kaam Election, wow pyndooh ya i dih wei pynemkaam ya ki mar wa pynmuaid. 

Heijooh i por da kwah u wa ki Montri Rangbah ki jylla wa u Montri Rangbahdooh ka ri toh u jied ya ki da ki paidbah, ymtoh da ki MLA wa ki MP khnang wow wanrah ya i synchaar iwa salonsar iwa khlem chah kdoh chah pynbor. 

Neini u Vijay daw lai u Assam chwa wow lai won u cha kiwi tawon ki jylla ka ri. 

Share this:
Previous

Jop ka Catholic Youth, ka Pammanik waka Lumbahdakha ha ka 3rd Division ka WJDSA

Next

Phooh phieñ ka Chaad Sukra ka Seiñraij Madur