theme-sticky-logo-alt
theme-logo-alt
Advertisement ad1
Advertisement ad1

Dei lai paidbah u pynman ka AJCVA neibynta ki arngut wa dooh yei mynsien

Advertisement ad1

Ka All Jaiñtia Commercial Vehicle Association (AJCVA) daw pynman ko da ka yalai paidbah namo ka Rally ha ka 01-09-2022 heipor 11:00 waje i step kawa daw sdang nadooh Iawmusiang hadooh Laad College.

I thmu kani ka Rally toh yow pyrchah wei wow beiñ joor ya kitu ki bru jrah snaam kiwa chim yei mynsien ki arngut kiwa yah kari kamai yong ka Ri-loom Jaiñtia ha kini ki tayaw wa dadep.

Advertisement ad1

Ka Association lyngba kani ka khubor da khut lang ko ya waroh kiwa chong chnong yong ka Bri U Ynñiawtrep nadooh ki waheh wa pait ya ki chnong ki thaw, ki seiñbhalang kiwa em i kitkhlieh ya ka ri waka jaitbru, ki bru waheh, ki bru chemphang, ki Association waphær waphær, ki bru waheh, kiwa mihkhmat wa ki paidbah wow ya wan cha kani ka Rally pyrchah ya kitu ki bru khloo kiwa da chim ya ki mynsien wa lui-lui.

Chooh chooh ka Association da ong ko wa kam kiwa chong chnong kiwa em i kitkhlieh neibynta ka mynried mankawi ha ki kaam wa bha ha ka imlang sahlang da toh i por wow khyrngiat thiah i yow ya tylli chirup deilang yow ya mih chakhmat yow ye u pyndooh jait ya kini ki kaam sih kam sang hapoh ka Bri u Ynñiaw Wasa.

Khaddooh ka Association kyrpaad ko ya ki bor wa toh u pait wow chimkhia ki ya kani ka kaam neibhah lada kini kiwa pynyap bru yoh ki u im laitlan, cheiwon u poi ka mynried yong ka ri wa ka jaitbru yong i?

Share this:
Previous

Pynman yakhih kiwa chet ja MDM ha Shillong yow dawa pynku yei nong naka T. 1000 cha T. 5000

Next

Dawa ka JSU wow pynuiñ biang ya ka Block-I cha ka Meghalaya