Dei pynkhooid Plastic, i thung dieñ deilang ki yakob lehkmen ka YSW Pynthorlangteiñ ya ka World Environment Day

Ka Youth Social Welfare Pynthorlangteiñ da pynman ko yei lehkmen ya ka sngi pynneh pynsah ya ka ramaw ha ka 5 tarik uni u bnai ha chnong Pynthorlangteiñ chirup i ya krehlang waka Dorbar Chnong, ka Village Organization, ka Village Project Integrated/Implemented Community, ka Seiñ Kur Lipon Development Society, ka Seiñ Kur Ryngkhlem, ka Club Dien, ka Sports Club Pynthorlangteiñ waka MegLife deilang wa ki 4 tylli ki skur kiwa em hapoh chnong kiwa kynthup ya ka U.P. School SSA Pynthorlangteiñ, ka Presbyterian Pynthorlangteiñ L.P. School SSA, ka Govt. L.P. School Pynthorlangteiñ wa ka Sports Club Pynthorlangteiñ L.P. School.

Kam chibynta kani ka lehkmen, da pynman leh ya ka yalang pynsñiawthooh chaphang ka ramaw heiyatoh wa ki bynta waphær waphær heiwa da wan wow klam nadooh u waheh chnong, kiwa sikai kamjooh leh na ki dkhot yong ki seiñ waphær waphær kiwa ya embynta lang.

Hadien wa kut ka ya pynsñiawthooh da ya chimbynta chitrhem da waroh wa kynthup ya ki khynnah hei pynkhooid Plastic hapoh chnong, i thung dieñ, i pynman ya ka yakob dro hajrong ka phang World Environment Day 2024 wei da pynbood da ki yaleheke wa boon jait.

Related posts

Pynngat kyndon ka yung bichaar pyrchah ya ka Sonam wa soo ngut kiwi wa emkti hei pynyap ya u Raja

November 1, 2025

Pynbna ka MBOSE ya ki tarik pynman HSSLC Exam 2026

November 1, 2025

Waroh kiwa chimbynta da pynsñiaw ki yeiwa emkaam u ya krehlang hapoh chnong poh thaw neibynta ka thong wow pynneh pynsah ya ka ramaw.