Kam chibynta ka World Environment Day, neiliang ka Staunch Multipurpose Society Ummulong da kynmoo burom ko ya kani ka sngi deiwa pynlait symbe dakha ha ka wah Pynkai wa Snikur wa em hapoh ka chnong Ummulong deiwa emlang ki 4 tylli ki skur kam ka Greenhills Secondary School, Lum Mynso SSA School, Iawpynsin Govt LP School wa ka Presbyterian Hr. Secondary School Ummulong.
Ya kani ka yalang kawa tbian hachwa wow pynlait ya ki dakha da pynlai da u Vice President ka Society, u Rikio Shylla heiwa da yoh yei klam na u President ka Society, u Dame Dhar uwa da batai tbian chaphang i thmu wei lai luti ka Society uwa da kyntu leh wa ymtoh u kynmoo i yeini du ha ka World Environment Day wow sumaar ya ka bei rymaw tangwa iwa toh u leh man-ka-sngi wei hap u ya krehlang nadooh ki khynnah hadooh ki waheh khnang yow yoh yei jop.
Da yoh leh yei klam na u Abutt Nelson Muksor uwa man uwa chong chnong ka Ummulong wa na u Nangsain Sohtun uwa hikai ha Presbyterian Higher Secondary Ummulong wei da yoh won yei klam khublei na u Secretary ka Society, u Carefully Gassah.
Ha kani ka jooh ka sngi, ka NPP Youth Wing 1-Nartiang Constituency da lai thung dieñ ko ha chnong Namdong-B ha ka madan skur Mookalein SSA LP School ryngkat wa ki dkhot ka VO yong ka chnong, kiwa sikai wa ki khynnah skur.
Discussion about this post