Dei pynsñiawthooh yei maa i wan ka luti rel ha East Jaiñtia lehkmen ka KSU ya ka Sngi Kyrsu Ri

Ka KSU East Jaiñtia Hills District Unit da yoh ko wow lehkmen ya ka Sngi Kyrsu Ri namo ka Khasi National Awakening Day ynne ka 4 tarik ha Khliehriat hakhmat u mot sahnaam u Kiang Nangbah wa em ha pchem ha yung krehkaam u DC.

Ha kani ka sngi da ya emlang ki para seiñbhalang nadooh ka FKJGP, HNYF waka AJYWO deilang wa ki seiñ wa kamai kari kiwa da chimbynta wow lehkmen ya kani ka sngi.

Ha kani ka yalang, ki dkhot seiñbhalang da thang leh ya ki kyndon pynkrehkaam yaka Citizenship Ammendment Act 2019.

Kam chibynta wow pynyoo yei pyrchah wa joor hajrong i thmu ka sorkar wow wanrah yaka luti rel cha ka thaaiñ East Jaiñtia, ka seiñ da saam ko leh ya ki kot lakdop wa da pynkhreh da ka seiñ hi cha ki paidbah ha Khliehriat yow pynsñiawthooh ya ki paidbah kammon u chah ktah ka thaaiñ waka jylla hi waroh kawi.

Related posts

Da chim ya ka Statement u pulit wa yah ya ka kari wa ya tyrrah wa ka thuk-thuk

November 24, 2024

Thung ka sorkar da ka Committee yow pynthymme noh yei rukom krehkaam ka MPSC

November 24, 2024