Maham yakhih ka KSU lada ym tympra ya ka Mandir ha pchem ka CBI

Ka Khasi Students’ Union (KSU) Shillong Mihngi Circle da maham yakhih ko lada ym tympra ya ka Mandir ha pchem ka yung krehkaam ka CBI ha Mawdiangdiang.

Ki dkhot ka seiñ da yachem biang ki ya u Director of Urban Affairs, u P. Kr. Boro, ynne wow kyrpaad ya ka chnat wow leh smat hajrong ini.

U President ka KSU Shillong Mihngi Circle, u Banjoplang Dkhar da ong u wa da sñiawskem ka seiñ yeini hadien wa yachem wa u Director wa daw tympra ya kani ka Temple.

Da ong u wa ka KSU da ban joor ko yeini wa ka sorkar wow leh yeiwa emkaam lym kamtæ da maham wym toh u kheiñstiñ ka sorkar neibhha daw pynman yakhih ka seiñ ha pchem ka CBI næ ka Urban Affairs Office.

Related posts

Chah pynmynsoo kawi ka khynnah da ka Chainsaw ha u bru wa psiah chapoh ka kamra skur

October 31, 2026

Maham ka IMD wa ye u em Cyclone ha ki sngi wow wan

October 31, 2026

U Secretary ka seiñ, u Samuel Kharbani da ong u wa katkam ki kyndon ka Urban Affairs Department hawa e thaw cha ka CBI ha Mawdiangdiang ymtoh wow chna iwon iwon ha pchem ka CBI lait na i yung krehkaam

Da ong u wa ka CBI da tyngkheiñ ko ya ki kyndon ka Urban Affairs Department hadien wa e yei thaw ha u 2018 heipor wa soi ya ka soskular.