Ka thap Vote kawa da hap pynman biang ha Wapungskur wa ha Bataw ynne da man ko kawa suk wei kawa lai bait khlem i thut hadien wa chah tympiah soo tylli ki kor EVM ynnin ka 21 tarik kawa man kam ka sngi thap Vote ka Election MDC ka JHADC.
Yei thap Vote ynne da pynman hei pait ki pulit wa em kamwa 70 ngut ha Wapungskur wa 40 ngut ha Bataw.
Ka Wapungskur kawa dang haap hapoh ka 22-Musniang Rangad Constituency da em ko ar tylli ki Polling Station kawi neibynta ki chynrang wa kawi won neibynta ki kynthai.
Ki chynrang wa da wan wow mih yow thap Vote da em ki 85% katwa ki kynthai won 83% wei deiwa kheiñlang waroh dapoi 84%.
Ha Bataw kawa dang haap hapoh ka 29-Bataw Lakadong Constituency, da em leh ar tylli ki Polling Station kawi neibynta ki chynrang wa kawi neibynta ki kynthai heiwa dapoi waroh 78.75% kiwa thap Vote wei na kini ki chynrang da wan 80.5% katwa ki kynthai won 77%.
Deiwa kheiñlang ha waroh ar tylli ki chnong, dapoi 81.25%.
Discussion about this post