U Waheh Chnong ka Umkiang da booh FIR u yow pyntip wa ynne i step ka 22 tarik heipor kamwa 2:00 waje haroh da em ki Bangladeshi kiwa em kamwa 50-60 ngut kiwa da wan psiah tooh cha ki yung ki sem ki bru wa chong chnong ka Umkiang wa em hajan ka BSF Camp deiwa ah wei tympiah ya ki tala.
Kini ki Bangladeshi da tooh lut ki ya ki tiar ki tar nadooh ki wait, ki wakhu, ki lyngka, ki slipar, ki mar rep kam u kwai wa kiwi kiwi de wei ini da jia i heipor wa kiwa chong chnong dang thiah ki.
Da em leh kiwa chong chnong kiwa yoo yeini i wan psiah pyrchah aiñ kini ki Bangladeshi wei da pyrchang ki wow beh ki tangwa da mut ki wow pam pathan ki da ka wait ya ki kattu katni wei da embhah wym em kiwa mynsoo wei hadien ini da yut noh kini ki baar ri deiwa wan kiwa boon kiwa chong chnong.
U waheh chnong da ong u wa kamwa man kattæ kiwa chong chnong da syier mynsien ki khamtam heipor miet wei da paan yarap na ki pulit wow leh ki iyi iyi yow chngaaiñ kiwa chong chnong waroh kawi.
Discussion about this post