Dei synraan ki paidbah beh noh ki pulit ka WJH ya ki pulit ka Assam kiwa thmu wow chna yung trep ha Psiar

Jowai: Ynnin ka sngi ki bor pulit wa ki bor District ka Assam da sdang biang ki wow pynyoo bor ya ka jylla Meghalaya deiwa sdang biang u kyntoor ya u pood ka jylla deiwa psiah cha Iurim Biam, Psiar (Block 1) dei thmu wow chna yung trep wow man kam ka BOP iwa jngai kamwa 4KM na Khatkasla ha ka sarok khyndaw wow lai na Umkhyrmi cha Mokoilum, West Karbi Anglong Assam iwa ngam kamwa 10km chapoh u pood ka jylla Meghalaya.

Katkam ka yutip wa tikna wa da yoh ynnin, ki pulit ka Assam wa kynthup ya ki CRPF kiwa em kamwa 60 ngut da hiar ki cha kani ka thaw iwa dadep thwat wei pynkhooid wei mar tip yeini u Magistrate uwa man leh u BDO ka Laskeiñ C&RD Block u F. Basan chirup wa u Dy.SP ka West Jaiñtia Hills, u D. Moksha da hiar ki cha kani ka thaw wow kyntu ya ki pulit ka Assam wow mih noh ki na kani ka thaw tangwa da kyntait ki yeini i kyrpaad.

Katwa kamtæ da e mi yaklam hapyrdi ki heh pulit kini ar district kamjooh neiliang ka sorkar jylla hajrong ini wa jia waroh.

Ynne ka sngi neiliang ki pulit ka WJH hapoh i yahkhmat u DSP Moksha kiwa em kamwa 50-60 ngut da hiar biang ki cha kani ka thaw wow beh ya ki pulit ka Assam kiwa thmu wow chna trep heini.

Related posts

Deiwa khut ka ISI lai u Gaurav Gogoi cha Pakistan: Himanta

May 18, 2025

Kyrpaad u Himanta wym toh u emlang u MP ka Assam uwa jooh lai cha Pakistan ha ka All Party Delegation

May 17, 2025

Ki paidbah kiwa na ki chnong wa yajan wa kynthup ya ka Psiar wa ka Khatkasla kiwa dap dei chrai i kusa ya i leh ki pulit Assam da synraan ki ya ki pulit ka WJH wow pyntikna wa kini ki pulit ka Assam u yut hiwot noh ki na kani ka thaw iwa da pynbor ya ki pulit ka Assam wow yut noh ki na kani ka thaw.

Ki paidbah da pynyoo ki yei mynsien wa chrai toh wa dei langær jooh chah pyndik ki ha ki pulit ka Assam heiwa da jooh chah khrong poisa ki lada kit ki ya kiwon kiwon ki mar, wei da jooh jrongkti ki leh ya ki paidbah, wa kiwi kiwi ki kaam kiwa da pyn dukha mynsien ya ki paidbah ka thaaiñ.

Hadien wa da mih ki pulit ka Assam na kani ka thaw, da slaih noh ya ini i yung trep wei ki paidbah leh (dei mynsien wa ka-it) da yarap ki mar chi-kti wow sliah ya ini i trep.

Neiliang u Superintendent of Police, WJH, u Lakador Syiem uwa da chimkhia bha ya ini i kaam da ong u wa ki pulit ka District u yaleh ki katwa ye wow yada ya u pood ka jylla wei wow pyntikna wa em i chongsuk deiwa pyntip leh daw pynneh ya ki pulit ka district hapoh Khatkasla kattu katni por wow pyntikna wa ka Assam ym kyntoor pood de ko.

Ka yutip wa da yoh da ong wa hadien i yaklam ki DC kini ar District kamjooh ki heh ki sorkar ki ar jylla da rai noh ka Assam wow ran noh na kani ka thaw.